2023-2024 оқу жылы

2022-2023 оқу жылына жасалған № 45 орта бейіндік  мектебінің   әдістемелік жұмысының жоспарын жүзеге асыруда төмендегі нормативтік құжаттар басшылыққа алынды: 

           1. «ҚР Білім Заңы»;

2. «Мектепке дейінгі тәрбие мен оқытудың, бастауыш, негізгі орта және жалпы орта, техникалық және кәсіптік, орта білімнен кейінгі білім берудің мемлекеттік жалпыға міндетті стандарттарын бекіту туралы» ҚР Білім және ғылым министрінің 2022 жылғы 3 тамыздағы № 348 бұйрығы;

2. «Білімді ұлт» «Сапалы білім» Ұлттық жобасын бекіту туралы Қазақстан Республикасы Үкіметінің 2021 жылғы 12 қазандағы № 726 Қаулысы; 

 3. «Мамандандырылған Білім беру ұйымдарының желісін және дарынды балалармен жұмыс жөніндегі оқу-әдістемелік Кеңес туралы ережені бекіту туралы» (ҚР БҒМ 2015 жылғы 1 шілдедегі № 428 бұйрығы); 

4. «ҚР Тіл туралы Заңы»,

5.«Қазақстан Республикасының 12 жылдық жалпы орта білім беру тұжырымдамасы»,

7.«Жалпы білім беретін пәндер бойынша республикалық және халықаралық олимпиадалар мен ғылыми жобалар конкурстарының (ғылыми жарыстардың), орындаушылар конкурстарының, кәсіби шеберлік конкурстарының және спорттық жарыстардың тізбесін және оларды іріктеу өлшемшарттарын бекіту туралы» (ҚР БҒМ 7.12.2011 жылғы № 514 бұйрығы,

8.Соңғы 3 жылғы қалалық Білім беру бөлімінің әдістемелік кеңестерінің нұсқау хаттары.

     Қалалық білім бөлімінің өзекті тақырыбы: «Оқушылардың 21 ғасыр дағдыларын дамыту» - жаңа күрделі әлемде нені білу және қолдану керек.

     Мектептің өзекті тақырыбы «Жаңартылған білім беру мазмұны аясында оқушылардың 21 ғасыр дағдыларын дамытуға қалай ықпал етеміз?» 

2023-2024 оқу жылында әдістемелік жұмыстың басым бағыты:

Мақсаты:

Оқушыларды оқыту сапасын арттыру үшін үздік тәжірибелер негізінде білім алушылардың, педагогтер мен білім беру ұйымның сапасын бағалаудың жаңартылған жүйесін енгізу және жетілдіру.

Міндеттері:

• Барлық педагог қызметкерлердің білім беруде жаңа тәсілдерді белсенді қолдануын ынталандыру, олардың кәсіби құзыреттілігін жетілдіру
• Педагогикалық ұжымның сапалы кәсіби дамуын қамтамасыз ететін әдістемелік қызмет жұмысын жетілдіру
• Педагогтердің кәсіби өсуіне және оқу-тәрбие процесінің сапасына мониторинг жүргізу
• Әр оқушының білім алу құқығын іске асыруды және адамның өз өмірінің толыққанды авторы ретінде қалыптасуына жан-жақты қолдау көрсетуді қамтамасыз ету.

Білім беру модернизациясы – даму үрдісі және тұрақты алға ұмтылу, білім беруді біртіндеп жүзеге асыратын және алынған нәтижені нақты талдау және қолдау. Мұғалім мамандық өндірісіндегі қарқынды өзгерістерді бақылап, зерттеп қана қоймай, жаңа технологияларды меңгеруі тиіс. Қазіргі заманда сындарлы оқыту теориясына сай бала білім алып қана қоймай, алған білімін әр қашанда керегіне жарата алатындай азамат етіп қалыптастыру, ұстаз қауымы алдындағы басты міндет болып отыр. 

Әдістемелік жұмыс қойылған мақсат пен мідеттеріне сәйкес қызметтің келесі бағыттары бойынша жүзеге асырылады:

• Мектептің әдістемелік кеңесінің жұмысы;
• ұстаздардың мектепішілік әдістемелік комиссиясының жұмысы;
• мұғалімдердің кәсіби құзыреттілігін, шеберлігін арттыру
• педагогтерді аттестаттау жұмысы;
• Мектептің тәжірибелік-эксприменталды жұмысы;
• жас мамандар мектебінің жұмысы;
• Дарынды оқушылармен жұмыс.

1. Мектептің әдістемелік кеңесінің жұмысы

Мектептің даму бағдарламасын және  «Білім беру процесінің сапасын арттыру мақсатында оқыту мен оқуға жаңа тәсілдерді, құндылыққа негізделген білім беруді   енгізу;  педагогтердің   кәсіби дамуы, зерттеушілік мәдениеті, іскерлігін, педагогикалық біліктілігін дамыту», тақырыбында жұмыс жасау үшін пән бірлестіктерінің  әдістемелік жұмыстарын құру, бақылау мен басқару және оқыту мен оқу қызметінің сапасын көтеру мақсатында әдістемелік кеңес жыл көлемінде жұмыс жүргізді. Педагогтердің кәсіби әлеуетін шыңдау және 2023-2024 оқу жылының басты міндеттерін жүзеге асыру мақсатында шығармашылық топтар құрылды.

            Әдістемелік кеңес отырыстарында білім беру процесінің сапалық көрсеткіштеріне байланысты қажетті және маңызды мәселелер қарастырылды.

            2023-2024 оқу жылында жүргізілген  әдістемелік кеңестерде  қаралған тақырыптар: 

• Өткен оқу жылындағы пән әдістемелік комиссияларының 2022-2023 оқу жылының қорытынды талдауы. 2023-2024 оқу жылына жұмыс жоспарын бекіту.
• Оқу жүйесінде "Lesson Study" зерттеу әдісін қолдану.
• Пәндік олимпиадаларға оқушыларды дайындау жұмыстарын жүргізудің тиімді жолдары.
• Бастауыш сынып оқушыларының зерттеушілік дағдыларын қалыптастыру технологиясы.
• Оқушыны ҰБТ-ге дайындау жұмыстарының тиімділігін арттыру жолдары
• Білім беру қызметтерінің сапасын жақсарту үшін қарым-қатынас, шығармашылық, сыни ойлау және топтық жұмысты дамыту
• Мұғалімнің кәсіби рефлексиясы-инновациялық құзіреттілікті дамытудың жолы т.с.с.

2. Педагогтерді  аттестаттау

Қорытынды: Біліктілік санаты бойынша педагог зерттеуші – 19 %, педагог сарапшы- 33%, педагог- модератор – 30%  құрайды. Санаттары бойынша сапалық құрамы өскені байқалады. Дегенмен  жас мамандардың келуі, егде педагогтердің зейнеткерлікке шығуына байланысты педагог-зерттеушілер сапасының төмендегені байқалды. Алайда 2023-2024 оқу жылының екінші жарты жылдығында  5 педагог зерттеуші санатын алды, ол келесі 2024-2025 оқу жылында   зерттеушілердің сапалық құрамы қайта  жоғарлайды.

Кемшілігі: оқу жылы көлемінде 29 педагог тапсырыс берсе, соның жетеуі бірінші тесттік кезеңнен өте алмады. Мұғалімдер ПББ бойынша төмен сапа беруі.

3. Мұғалімдердің кәсіби құзыреттілігін, шеберлігін  арттыру

       Мектеп әкімшілігі жұмысының басты бағыттарының бірі – кадрлық құрамды нығайту. «Білім туралы» ҚР Заңына және мектеп Жарғысына сәйкес педагогикалық ұжымды білім беру ұйымының басшысы құрады, қызметкерлерді қабылдау еңбек шарты негізінде жүзеге асырылады. ҚР ЕК-не сәйкес жұмысқа қабылданған барлық педагогпен еңбек шарттары жасалды.Мектептің педагогикалық кадрының сандық құрамы сұранысқа қарай анықталады.

      Қорытынды: Мектеп педагогтерінің саны 79 адамды құрайды  Оның ішінде жоғары білімді пән мұғалімдерінің 98,8%, өткен оқу жылымен салыстырсақ динамиканың жоғарлағаны байқалды. Ал 1,2% ғана арнайы орта мамандандырылған.

Пән мұғалімдерінің біліктілік арттыру курстарынан өтуі

Қорытынды:  Мектеп педагогтерін біліктілікті арттыру курсына өту   перспективалық жоспары  оқу жылының басында жасалды. Сол жоспарға сәйкес жыл көлемінде қысқа мерзімді пән бойынша және басқа да  пәндік курстардан 45 педагог  өтті.

Мұғалімдердің  озық іс-тәжірибе тарату, авторлық жұмыс, баспа беттеріне мақала жариялау  деңгейі

     Биылғы оқу жылында педагог-сарапшы, педагог-зерттеуші ұстаздарымыз қалалық, облыстық, республикалық ғылыми-практикалық конференцияларға, семинар-коучингтерге, пәндік олимпиадаларына, әр түрлі  байқауларға қатысу деңгейі өткен оқу жылымен салыстырғанда жоғары болды, аудан, облыс, республика көлемінде  жүлделі ІІ,ІІІ орындаға ие болды. 

Қалалық, облыстық, республикалық семинар, конференцияларда

іс-тәжірибе тарату

Пән мұғалімдерінің жазған  әдістемелік құрал, авторлық бағдарламалары:

Басылым беттеріне іс-тәжірибе тарату

Мұғалімдердің кәсіби шығармашылығының көрсеткіші

Мұғалім шеберлігінің негізгі көрсеткіштерінің бірі тәжірибені жетік игеру, жаңа әдіс - тәсілдерді тиімді қолдануында.  Жыл көлемінде ұстаздарымыз қалалық кәсіби сайыстарға қатысып «Жыл мұғалімі -2024»,  «Үздік сынып жетекші»,  номинацияларының 2,3 орын  иеленсе, облыстық деңгейде Ажуметова Ж мен Еделқызы М  «Педагогикалық идеялар панорамасы»  2,3 орын жүлдегері атанды. Жыл соңында мектепішілік дәстүрлі «Жыл  мұғалімі -2024» сайысының қорытындысы бойынша: «Ең үздік педагог»- Куатов А.К  анықталды

Дарынды оқушылармен жұмыс (байқаулар, олимпиадалар, зияткерлік марафондар)

        Оқу жылы басында  дарынды оқушылармен жүргізілетін «Бастау ғылыми қоғам»   жұмыс жоспары жасалып, бекітілді. Жыл көлемінде   төрт бағыт бойынша секция жұмыстары жүргізілді. Соның нәтижесінде оқушылар  түрлі деңгейдегі байқауларға қатысып, жүлделі орындар иеленді. Атап айтар болсақ, 1-7 сынып арасындағы «Зерде» ғылыми жобаның қалалық деңгейінен 5 оқушы,  8-11 сыныптар арасында қалалық ҒПК  3 оқушы жүлделі орындарды иеленді.

Қалалық ғылыми жоба  «Зерде -2023»

Қалалық «ҒПК- 2023ж»

Кемшіліктер:  пән мұғалімдері дарынды оқушылармен жоба жұмыстарын жүргізу деңгейі  төмен. Жылда бастауыш сынып, қазақ тілі пән мұғалімдері жетекшіліндегі  оқушылар қатысады. математика, ағылшын тілі, орыс тілі мұғалімдеріне жоба жұмыстарын жүргізу тапсырылсын.

«Балдырған» калалық пән олимпиадасының қорытындысы

5-6 сыныптар арасындағы қалалық  пән олимпиада көрсеткіші 

7-8 сыныптар арасындағы қалалық жасөспірімдер олимпиада көрсеткіші

9-11 сыныптар арасындағы қалалық пән олимпиада көрсеткіші

Облыстық пәндік олимпиада

Қорытынды: мектепішілік пән олимпиадасына 239 оқушы қатысып, жүлделі орынға ие болған 35 оқушы қалалық олимпиада кезеңіне жолдама алды. Оның 26 оқушысы қалалық пән олимпидаларынан жүлделі орынға иеленіп, марапатталды. Облыстық кезеңнен 9В сынып оқушымыз Зейнелова И 3-орын иеленді.

Қалалық «Қ. Бітібаева олимпиадасы»

Қалалық «Абай оқуы» байқауы

«Оралхан Бөкей оқуы»

Қалалық «Эссе» байқаулары

Қалалық «Шығарма жазу» байқауы

Облыстық «Махамбет оқуы»

Облыстық «Мағжан оқуы»

Облыстық «Қабдеш Жұмаділов» байқауы

 «Балалар оқуы» 

Городской конкурс Фестиваль поэтического творчества, посвященный Дню Республики Казахстан: «Родине посвящается»

XI облыстық олимпиада 

 Облыстық олимпиада «Экономика және басқару»

«Smart   Education – Өскемен 2024 » қалалық IT  форумы

Турнир «ROBOVALLI-2023»

«Сыңғырлаған дауыстар»  қалалық байқауы

«Көктем дауысы» облыстық вокалистер байқауы

«Алтын қазына»  облыстық көрме байқауының қалалық кезеңі

«Фитодизайн-2023» қалалық флористикалық «Күзгі бояулар» байқауы

Алтын сақа (3-4 сыныптар арасында) 

Мектепалды даярлық тобы тәрбиеленушілерінің конкурстарға қатысу нәтиже

Облыстық зияткерлік турнирі «Балапан»

Шығыс талантары-2024» облыстық байқауы

Халық музыкасының дәстүрлерін жаңғырту » қалалық сайысы

Облыстық, республикалық 

2023-2024 оқу жылында   Шығыс Қазақстан өңірлік ғылыми –практикалық «Дарын» орталығы тарапынан ұйымдастырылған интеллектуалдық  конкурстарға 1-11 сынып оқушыларының қатысу нәтижесі

Қашықтан қазақ тілі пәні бойынша   облыстық «Айналайын» интеллектуалды байқауынан 58 оқушы жүлделі орындарға,  математика пәні бойынша  «Малахит» интеллектуалды байқауынан -   78 оқушы,    «Ақбота» интеллектуалды олимпиадасынан 38 оқушы,  «Асыл тас» облыстық инттелектуалды конкурсына 61 оқушы жүлделі орын иеленіп, марапатталды. Тарих пәні бойынша «Тұлпар» конкурсынан 103 оқушы,орыс тілі және ағылшын тілі пәні бойынша  облықтық интеллектуалдық конкурс «Лидер» - 72, жаратылыстану бағытта «Үркер» - 39   оқушы, республикалық  «Кенгуру- интеллект» ойын  олимпиадасынан 84 оқушы  жүлделі орындарға   ие болды. 

Сонымен қатар жыл көлемінде пән мұғалімдері дарынды оқушылармен жұмысты жетілдіре отырып, қалалық, облыстық конкурстарға қатыстырып жоғарыда көрсетілген   нәтижелі орындарға ие болды. 

Пән әдістемелік комиссия  жұмысы

Мектептің педагогикалық ұжымында 7 әдістемелік комиссиясы ұйымдастырылған. 

Пән әдістемелік комиссия жетекшілері

ӘК шығармашылық онкүндіктер

 Жыл көлемінде әдістемелік комиссияның жылдық жоспарына сәйкес пән онкүндіктері өткізілді. Онкүндіктер барысында ашық сабақтар, сабақтан тыс іс-шаралар, интеллектуалдық ойындармен қатар ТЭЖ жоспары бойынша деңгейлік пән мұғалімдері коучингтер жүргізді. Онкүндіктің өтілу барысы әдістемелік кеңесте қаралып, өтілген іс-шаралар мектеп сайтында жарияланды.

Жас мамандармен жұмыс

Мақсаты: жас мамандардың жұмысқа дайындығын анықтау, психология, педагогика, сабақ беру әдістемесі мәселелері бойынша теориялық, ғылыми – әдістемлік деңгейін көтеру, қазіргі педагогикалық технологияларды, оқу жұмысының формалары мен әдістерін оқып үйрену мен меңгеруін ұйымдастыру, жұмысын ұйымдастыруда практикалық көмек көрсету. 

         2023-2024  оқу жылында жас мамандар мектебі құрамына 5 жас мұғалім енген. Жұмысқа кірген бірінші күннен бастап, оларға мектеп директорының бұйрығымен тәлімгерлер тағайындалып, жетекшісі ретінде Елғазықызы Әсел  бекітіліп, жас маман мектебі құрылды.

       Жыл көлемінде тәлімгерлер мен ЖММ мүшелері тығыз ынтымақтастықта жұмыс істеді. Жас мұғалімдердің біліктілігін көтеру және кәсіби өсуі мақсатында ашық сабақтар мен сыныптан тыс іс - шаралар өткізілді, жас мамандардың қажеттіліктерін анықтау мақсатында сабақ талдауы жүргізілді, алдыңғы қатарлы тәжірибе тарату мақсатында коучингтер «Оқытудың техникалық құралдарын және көрнекі құралдарын тиімді пайдалану» тәлімгер: Бектыбаева А; «Интерактивті әдістер және оларды оқу-тәрбие үрдісіне енгізу жолдары» тәлімгер: Сазанбаева К; «Жас мамандардың сыныптан тыс жұмыстарды ұйымдастыруы» тәлімгер: Сапар К, Унасов С коучингтер  өткізіп тұрды. Жас мамандар «Ашық есік күні», барлық пән апталықтарына, сыныптан тыс шараларға қатысты. Жас мұғалімдердің интеллектуалдық әлеуетін тартумен әдістемелік семинарлар, коучингтер, көрмелер өткізуге тартылды.

        Жас мамандарға әдістемелік көмек үнемі тәлімгер мұғалімдер тарапынан көрсетіліп отырылды. Сабақтарына қатысып, әдістемелік көмек көрсетілді. 

     Жұмыс барысында  білім стандарттарын, оқу бағдарламаларын, оқу жоспарларын зерттеп, жаңа буын оқулықтарын және басқа да оқу-әдістемелік құралдарды оқып, үйренді;

    Жаңартылған білім беру мазмұны технологияларын, белсенді оқыту әдіс-формаларын қазіргі талаптарға байланысты пәнді оқытудың арнайы әдістемесін оқып, танысты және сабақтарында қолданды;

Мектептегі әр түрлі әдістемелік жұмыстарға белсене қатысты;

     Көрнекі құралдар жасау, оларды тиімді қолдануды үйренді; 

      Оқушылардың білімдерін бағалау нормаларын меңгерді; 

       Тәлімгерлер әрдайым педагогикалық шеберліктері мен өз тәжірибелерін жастарға үйретуге дайын екенін көрсетті.

     Жыл соңында «Жаңа, күрделі әлемде жеке және топпен жұмыс жасау арқылы қарым-қатынас дағдыларын дамыту» тақырыбында «Жас мамандар» және педагог санаттыларының мектебінің айлығы (08.04-26.04 аралығында) жоғары деңгейде өткізілді 

2.Мектептің тәжірибелік-эксприменталды жұмысы

Мектептің әдістемелік құрамына  7 пән бірлестігі кіреді. Барлық әдістемелік жұмыстарды мектептің әдістемелік кеңесі басқарады. Ұйымдастырылған құрылым мұғалімдердің білімін, кәсіптік деңгейін, шеберлігін жетілдіру мақсатында жасалады. Мектепте әдістемелік жұмыстың мазмұны білім беру үрдісінің сапасы мен әрбір мұғалімінің біліктілігін көтеруге бағытталған. Яғни, әдістемелік жұмыс – бұл барлық педагогтардың шығармашылық ынтасын арттыруға және дамытуға, әрбір педагогтің кәсіби шеберлігін және    біліктілігін жан-жақты көтеруге бағытталған іс-шаралар мен іс-әрекеттер.

    Әдістемелік кеңесте «Жаңартылған білім беру мазмұны аясында оқушылардың 21 ғасыр дағдыларын дамытуға қалай ықпал етеміз?» өзекті тақырып негізінде ТЭЖ 3-кезеңінің қорытынды талдауы жасалып, ТЭЖ дің 4-кезеңің мақсат, міндеттерін анықталды.

Әдістемелік кеңесте қарастырылған сұрақтар

• ТЭЖ 3-кезеңінің қорытынды талдауы, ТЭЖ 2023-2024 оқу жылының жұмыс жоспарын бекіту.
• Пәндік олимпиадаларға оқушыларды дайындау жұмыстарын жүргізудің тиімді жолдары.
• Оқу жүйесінде "Lesson Study" зерттеу әдісін қолдану.
• Білім беру мазмұнын жаңарту шеңберінде дағдылардың жаңа моделін енгізу
• PISA халықаралық зерттеуінің негізгі бағыттарының бірі – оқу сауаттылығы
• Оқушыны ҰБТ-ге дайындау жұмыстарының тиімділігін арттыру жолдары
• «Сабақты зерттеу (Lesson Study) - жетекші мектептердің тәжірибесі»
• Қазіргі заманғы білімнің тиімділігін арттыруға арналған ақпараттық- коммуникациялық технологиялар
• Бастауыш сынып оқушыларының зерттеушілік дағдыларын қалыптастыру технологиясы.
• Білім беру қызметтерінің сапасын жақсарту үшін қарым-қатынас, шығармашылық, сыни ойлау және топтық жұмысты дамыту
• Мұғалімнің кәсіби рефлексиясы-инновациялық құзіреттілікті дамытудың жолы

тақырыптарында әдістемелік кеңесте жүргізілген іс-шаралар   мұғалімдердің кәсіптік шеберлігін шыңдау, жетілдіру, жаңа технологияның әдістерін оқып-үйренуге, көмектесуге бағытталды. ӘК-дағы мұғалімдердің кәсіби өсуі, ТЭЖ жоспары карталары бойынша үшінші  кезеңіндегі жұмыс нәтижелері рейтинг барысында  қорытындыланып, нәтижесі шығарылды.

Қорытынды: 

Мектептегі ғылыми-әдістемелік жұмысты басқару, жоспарға сай жұмысты ұйымдастыру кезінде төмендегі функциялар орындалды: Әдістемелік бірлестіктер, дарынды оқушылармен жұмыс, жас мамандармен жұмыс жоспары жасалып, бекітілді және жоспарға сәйкес жұмыс атқарды мұғалімдердің пәндік және психологиялық-педагогикалық дайындық деңгейін көтеру мақсатында курстарға жіберілді, өздік білімін жетілдіруді ұйымдастыру мақсатында теориялық және практикалық әдістемелік бірлестіктердің отырыстары мен тақырыптық коучингтер өткізілді; жаңа нормативтік құжаттар, әдістемелік нұсқау хатпен танысу, жаңа оқу бағдармаларын, жоспарларын, мемлекеттік білім стандарттарын оқып, үйрену ұйымдастырылды; оқытудың жаңа белсенді әдістерін қолдануды ұйымдастыру коучингтері өткізілді; 3,4,9 сыныптарда  ғана зерттеу сабақтары өткізілді.

Атқарылған әдістемелік жұмыстардың әлсіз жақтары: Тәжірибені жинақтауға, кәсіби сайыстар мен ғылыми-практикалық конференцияларға қатысуға деңгейінің төмендегі Мектепте 15 мұғалім педагог- зерттеуші қызмет атқарса, іс-тәжірибені қала, облыс деңгейде тарату деңгейі санаулы. Биылғы оқу жылында қалалық пән олимпиадаларынан 18 орын алса да облыс көлемінде шыға алмауы жетекшілерінің оқушыны сапалы дайындамауы, толықтыру жұмыстарына көңіл бөлмегендігі. Сонымен қатар, ортаңғы және жоғарғы буынның пән мұғалімдері ғылыми жұмыс жазуға аса көп көңіл бөлмейтіндігі байқалады. 

Осы  мәселелерді  шешу жолдары:

1. Оқушыларды пән олимпиадаларына қатысу деңгейін көтеру, мұғалімдердің осы реттегі жұмысын күшейту.
2. Кәсіби сайыстарға, ғылыми-практикалық конференциялар мен семинарда іс-тәжірибе тарату арқылы кәсіби құзыреттілігін шыңдау
3. Дарынды оқушыларды ғылыми жобаларға тарту;

2024-2025 оқу жылында әдістемелік жұмыстың басым бағыты:

Оқыту мен оқу үдерісінде    дағдылардың жаңа моделін қолдану арқылы білім сапасын көтеру.

Мақсаты:

Оқыту мен оқу үдерісінде   үздік тәжірибелер негізінде білім алушыларға пәнді терең меңгерту, мұғалімдердің құзыреттілік деңгейін арттыру мақсатында  озық педагогикалық тәжірибені жүйелеу.

Міндеттері:

• Барлық педагог қызметкерлердің білім беруде инновацияларды енгізу негізінде қалыптасқан жұмыс тәжірибесін жетілдіру
• Педагогикалық ұжымның сапалы кәсіби дамуын қамтамасыз ететін әдістемелік қызмет жұмысын жетілдіру
• Педагогтердің кәсіби өсуіне және оқу-тәрбие процесінің сапасына мониторинг жүргізу
• Жинақталған педагогикалық тәжірибені шығармашылық өңдеу
• Әр оқушының білім алу құқығын іске асыруды және адамның өз өмірінің толыққанды авторы ретінде қалыптасуына жан-жақты қолдау көрсетуді қамтамасыз ету.