«Маған жақсы мұғалім бәрінен де қымбат, өйткені мұғалім- мектептің жүрегі.» деп Ыбырай Алтынсарин айтқандай  №45 бейімделген орта мектебінің жүрегі болып жүрген асыл ұстаздарымыз Канапина Асель Альмухановна мен Азатбек Орынбек жайлы айтпақпын. Ұстаздарымыз  балаларымызды білім нәрімен сусындатып қана қоймай , өнерге баулып, ортаға тез бейімделуге үйретіп, ерекше тәртіпке, ең бастысы адами қасиеттерді  бойларына сіңіріп келеді.  Сынып жетекшіміз Асель Альмухановна балалардың және ата-аналардың ұйымшылдығын жақсы жолға қоя білді. Ол үнемі жүргізілетін демалыстардың, кездесулер мен мәдени шаралардың нәтижесі деп білемін. Сынып оқушылары мен ата-аналары үнемі қызу жұмыстар үстінде. Білім саласынан басқа өнер саласында да үлкен еңбек етіп келеді. Бұл осы екі ұстазымыздың арқасы деп білемін. Олар алыс сапарлар мен байқауларға шыққанда да балаларымызға өз баласындай қарайды.

Жас та болса осы үлкен өнерді өзі игеріп қана қоймай, көзіміздің ағы мен қарасы балаларымыздың жүрегінен орын тауып, домбыраға үйретіп жүрген Азатбек Орынбек. Ол әр шаңырақта домбыраның үнін шығарып,  қазағымыздың ұлттық мұрасы домбырамызды насихаттап жүр. Балаларымыз білімде де, өнерде де сайыстардың алдын беріп көрген жоқ. Атап айтсам, 2018жылы 31-қазанда өткен «SAMGAU»Халықаралық балалар мен жасөспірімдер арасындағы фестивальден І-орынды иеленді. 2018 жылы Алматы қаласында өткен  Ғұмырдария «Құстар қайтып барады» Н.Тілендиев Республикалық ән-би байқауының «Би» номинациясы және «Ансамбль» номинациясы бойынша лауреат атанған    І-дәрежелі дипломмен марапатталды. 2019жылы Нұр-Сұлтан қаласында Майра Ильясованың ұйымдастыруымен өткен «Жұлдыз болғың келсе» атты Республикалық дарынды балалар мен жасөспірімдер байқауы «Би» және «Аспапта ойнау» номинациясы бойынша І-орын дипломмен марапатталды. 2019жылы Өскемен қаласында өткен «TALENTS BATTLE»Халықаралық конкурстан   Ұлттық аспаптарда  ойнау номинациясы бойынша «Шығыс сазы» домбрашылар ансамблі І-орынды иеленді. 2020 жылы «Жаңа формат» халықаралық байқауда аспапта ойнау номинациясы бойынша БАС жүлдеге ие болды.

Сіздердің бойларыңызда көшбасшылық қасиетпен қатар қарапайымдылық пен мейірімділік ерекше үйлесімділікпен кездеседі. Көздеген шыңдарыңызды бағындырып, діттеген мақсаттарыңызға  жетулеріңізге тілектеспіз! 

Сіздерге дендеріңізге саулық, отбасыларыңызға амандық, істеріңізге сәттілік тілейміз!

Шәкірттеріңіздің қанаттары талмасын!  Алар биігіміз көп болсын.

Құрметті біздің ұстаздарымыз әрқашанда сіздерді  қолдап қорғайтын ата-аналар бар екенін әсте естен шығармаңыздар.

№45 бейімделген орта мектебі    «КММ»

4 «Г» сынып ата-анасы:

Раисова Асель Женискановна

       Бүгін сынып жетекшіміз Канапина Асель Альмухановнаның ұйымдастыруымен Өскемендегі Солнечный кентінде орналасқан қарттар үйіне барып келдік.Жылу іздеген жаралы жүрек иелерінің бір сәтке болса да көңілін көтеру мақсатында апарған шарамыз өте жоғары деңгейде өтті.Әттең-ай дейміз де! Жәутеңдеп керексіз боп қалған қариялардың қатарынан   қара көз апаларымыз бен қара күштің иелері болған аталарымызды да көрдік... Жүрек ауырады әрине.Кіп-кішкене жүректеріне сидырып әкелген махаббаттарын бар өнерлеріне салған балапандарымыз қараусыз қалған қариялардың көңілінен шыға білді.Ән де айттық, би де биледік.Ойын да ойнадық.Аталарымыздан бата да алдық...Бірақ көңілден қаяу кетпеді...Концерт беріп жұбаттық па деп шыққанда балаларымыздың жабырқау сұрақтарына жауап іздедік.Жаман ата-ана бола ма? Жаман бала бола ма? Көкейде кеткен сұрақ осы.Кім кінәлі? Сансыз сұрақ,сан түрлі тағдыр...Ата-аналарымыздың арқасында апарған тәттілерімізге балаша мәз болған қариялар бейнесі... Жүгіріп бөлмелерінен өздері тығып жейтін тәттілерін біздің балаларға беріп,қуанып жүрген қариялар...Қуаныш сыйлау үшін келіп,қуана алмау жүрекке жара салды.Кейінгі ұрпақтың бұл жараны емдеп жазатынына үміт арттық.Шараның өтуіне ықпал еткен меңгеруші Айгүл Қалиханқызына алғысымызды айтып,үлкен сабақ алып қайттық.Қарттар үйі болмаса екен деген   тілекпен қайттық.Келешек ұрпағымыз салихалы,саналы болсын деп тілейміз.

  №45 бейімделген орта мектебі    «КММ»

4 «Г» сынып ата-аналары атынан:

Нұрсалимова Құралай Нигмадиловна

Раисова Асель Женискановна

. 

             Балалар үйінде өмір сүріп жатқан құрдастарының мұңды тағдырлары мен олардың өмірлері сынып оқушыларының да көңілдеріне ой салғанын айтпай түсінуге боларлықтай. 

Сынып жетекшісі: Канапина Асель Альмухановна

Бастауыш сынып мұғалімі: Раисова Асель Женискановна

View this post on Instagram

A post shared by Гульмира Иманжанова (@gulmiraimanzhanova) on Feb 25, 2020 at 6:24am PST

Қазақ халқының мәдениетінің, әдебиетінің дамуында   Абай Құнанбайұлының алатын орны ерекше. Абай-бар халықты талантына бас идірген ақын, гуманист, қазақтың біртуар ұлының бірі, әдебиет алыбы. Өскемен қаласы «№45 бейімделген орта мектебінде» қазақ тілі мен әдебиеті және тарих ӘК-да   атаулы шараға байланысты  жоспар құрылды.  

 Мектептің  акт залында   «Қазақтың дара туған данасы»   атты  ұлы ақын, ойшыл А.Құнанбайұлының туғанына 175 жыл   толу  мерейтойына арналған   іс-шараның   ашылу салтанаты өтті.  Бұл шараның мақсаты -қазақтың ұлы ақыны, гуманист классигі Абай Құнанбайұлының әдеби мұрасын насихаттай отыра,  жастарлы адамгершілікке, елін, жерін сүюге, ұлттық құндылықтарды бойларына дарытуға тәрбиелеуге бағытталды. 

Оқушылар  бұл шарада  А.Құнанбайұлының  өлеңдерін, қарасөздерін  нақышына келтіре  оқыды.    Құнанбайдың, Абайдың, Ұлжанның  образдарын шеберлікпен сомдай білген  11-10 сынып оқушылары  көрермендердің ерекше ықыласына бөленді. 

9-11 сынып оқушылары арасында  «Абай - қазақ поэзиясының биік шыңы» эссе байқауы болып өтті.  Жұмыстары «Үздік» деп бағаланған  оқушылар жүлделі орындар мен алғыс хаттармен марапатталды.

7-10 сынып оқушылары арасында қазақ тілі мен әдебиет пәні мұғалімі Уркунчинова Н.М. «Ұлы халықтың ұлы Абайы» тақырыбында мәнерлеп өлең оқу сайысын ұйымдастырды. Сайыстың жеңімпаз оқушылары мадақтама қағаздарымен марапатталды.

ӘК мұғалімдері  Абайдың «Айттым сәлем, Қаламқас» әнін орындап, мектепішілік Абай  әндерін орындау эстафетасына  да белсене қатысты. 

Абай –қазақ әдебиетінің ғана емес, барша қазақ халқының рухани нәр бұлағы, болашағының адастырмас темірқазығы.  Қазақ деген ұлт барда  ұлы ақын есімі ұмытылмайтынын, керісінше биікке көтеріліп, дәріптеле берілетіндігін шараға белсене қатысқан  ұрпақтары тағы  бір рет дәлелдегендей болды. 

Мақсаты: Абай Құнанбайұлының 175 жылдық мерейтойына орай, онкүндік аясында салтанатты жиын өткізу. Ұлы ақынның өнегелі өмірімен таныстыру, ақынның даналығын, рухани асыл мұраларын насихаттап, өлеңдерін, әндерін мәнерлеп айтқызу. Көркем сөйлеуге, өз бетімен іздене білуге, шығармашылықпен жұмыс істеуге көмектесу. 

Міндеті: 

- оқушыларға эстетикалық тәрбие беруді арттыру; 

- мұғалім мен оқушы арасындағы талғамдық құндылықтарға жету қабілеттерін қалыптастыру; 

-Абай әндері арқылы жас буынның ән айту шеберлігін, тіл мәдениетін жетілдіру. 

Аудитория: 1-11 сыныптар 

Көрнекілігі:  презентация

1-жүргізуші:   Жүрегін шырақ етіп жандырған кім,

                        Жырымен жан сусынын қандырған кім?

                        Өзіне өзі орнатып ескерткішті,

                        Мұра ғып кейінгіге қалдырған кім?

2-жүргізуші:   Соқтықпалы, соқпақпыз жерде өскен кім?

                        Үнінен әділдіктің лебі ескен кім?

                         Арманын аттандырып келешекке,

                         Бізбенен осы күнге тілдескен кім?

(Абай кіреді).

Абай:   Жүрегімнің түбіне терең бойла,

            Мен бір жұмбақ адаммын, оны да ойла.

            Соқтықпалы, соқпақсыз жерде өстім,

            Мыңмен жалғыз алыстым, кінә қойма.

Құрметті менің  халқым! Күллі адам баласын қор қылатын үш нәрсе бар. Сонан қашпақ керек: әуелі - надандық, екіншісі - еріншектік, үшінші - залымдық деп білесің. Надандық - білім-ғылымның жоқтығы, дүниеде ешбір нәрсені оларсыз біліп болмайды. Білімсіздік хайуандық болады. Еріншектік - күллі дүниедегі өнердің дұшпаны. Талапсыздық, жігерсіздік, ұятсыздық, кедейлік - бәрі осыдан шығады. Залымдық - адам баласының дұшпаны. Адам баласына дұшпан болса, адамнан бөлінеді, бір жыртқыш хайуан қатарына қосылады. Осыны естеріңізге бек сақтаңыздар! 

1-жүргізуші:  Қайырлы күн, құрметті ұстаздар, оқушылар!   «Қалың елім қазағым, қайран жұртым» деп басын тауға да, тасқа да соққан қазақтың біртуар ұлының бірі, әдебиет алыбы Абай Құнанбайұлының туғанына биыл 175 жыл толып отыр.  

2-жүргізуші: Абай-бар халықты талантына бас идірген ақын, гуманист, Абайдан асқан қазақ баласында жан-жақты ақын болған жоқ. Дәл осы уақытта біздің арамызда өзі жүрмесе де, оның өлеңдері, қарасөздері, әндері жүр.    Данышпан ақын, ойшыл, дана ғұламаларының бірі, қазақ әдебиетінің шоқтығы биік ірі тұлғасы Абай Құнанбайұлының 175 жылдық мерейтойы мен шығармашылығына арналған «Қазақтың дара туған данасы» атты іс-шараның  ашылу салтанатын ашық деп жариялаймыз! 

1-жүргізуші:  Абайдың  ақылының толысып, білім нәрімен сусындауына  әжесі   Зеренің, анасы Ұлжанның  және әкесі  Құнанбайдың батылдығы, алғырлығы зор ықпал етті.

Көрініс: әкесі Құнанбайдың Абайға таққан 3 міні (М.Әуезов «Абай жолы» 1-кітабы)

2-жүргізуші:  Ақын Абай – қазақта дара тұлға,

                        Бөленер күміс әнмен  сұлу жырға.

                        Оқымасам жырларын ұлы Абайдың,

                         Көкірегім толады шер мен мұңға.

Абай өлеңі оқылады

1-жүргізуші: Мұхтардың «Абай жолын»  оқып көрші,

                     Беріліп жан-тәніңмен көңіл бөлші

                          Әрбір сөзінде терең ой бар,

                          Тереңін сен бақылап, байқап көрші

Көркемсөз оқылады («Абай жолынан» үзінді оқылады)  

2-жүргізуші:  А. Құнанбайұлының  өзі шығарған 20 шақты өлең-әндері бар. Ол сырлы, сазды әндерімен халық көңілінен шыққан. Әндерінің қайсысын алып айтсақ та, мөлдіреп тұнып тұрған ақылдың, өнердің көзі. 

 «Айттым сәлем, Қаламқас» әні орындалады

1-жүргізуші: Абай поэзиясы сарқылмас бұлақ. Сөз шебері Абай ата, біз сізге әрқашан борыштымыз, өсиетіңді нық ұстаймыз-деп «қазақ поэзиясының шамшырағы»- Абай Құнанбайұлының 175 жылдық  мерейтойына арналған  іс-шараның ашылу салтанатын  аяқтаймыз! 

2-жүргізуші:  Ұлы Абай! Дана Абай! Абай Құнанбайұлы  қазақтың таң жұлдызы, халқының бетке ұстар нұр құндызы.  «Өлді деуге бола ма, айтыңдаршы, өлмейтұғын артына сөз қалдырған» -деп өзі айтып кеткендей  Абай мұрасы әрқашан біздің жадымызда, сондықтан ақын есімін биікке көтеріп, қастерлей білейік! 

 Екі жүргізуші бірге:  Келесі кездескенше аман-сау болыңыздар!

Мектеп директоры:

__________Серикбаева А.Е.

13.01.2020 жыл

Абай Құнанбаевтың туғанына 175 жыл толуына байланысты ұйымдастырылатын іс-шаралар жоспары

Жүрек – теңіз, қызықтың бәрі – асыл тас,

 Сол қызықсыз өмірде жүрек қалмас. 

Жүректен қызу-қызба кете қалса, 

Өзге тәннен еш қызық іс табылмас, – деп басталатын өлеңін әрі қарай оқысақ ұлы ақын достық пен қастықтың, ар мен ұяттың барлығы жүректен туындайтын қасиеттер екенін ұғындырады

 Жүрек – тірі жандылардың дене мүшелерінің патшасы. Дене жасушаларын қоректендіріп, тамырлар арқылы ағзаға қан айналымын жүйелеп беріп отыратын орталық мүше – жүрек. Тән мен жанның тұтастығы өмір сүру деңгейімен өлшенсе, «Тірі адамның жүректен аяулы жері бола ма?» деп Абай айтқандай, тіршіліктің көзі осы ара болып саналады. 

Осы орайда Бастауыш сыныптарда «Әлемге күлкі сыйлаймын» атты сап жиын өтті.