Қазақ тілі мен әдебиеті және тарих әдістемелік комиссиясы

Қазақ тілі мен әдебиеті және тарих әдістемелік комиссиясы

Төл тарихымыз бен ана тіліміздің орасан зор байлығын жас жеткіншектердің жан дүниесіне сіңіріп, сол арқылы әлемдік рухани өркениеттің өріне шығып нәр алу – бүгінгі күн талаптарының маңыздысы. Ал әдістемелік жұмыстың ең негізгі міндеті – мұғалімнің кәсіби біліктілігін жетілдіру, теориялық және әдістемелік дайындығының дәрежесін табысты түрде арттыру болып табылады.

Бірлестікте 9 мұғалім жұмыс істейді. 4 мұғалім зерттеуші-педагог санатын алса, 1мұғалім сарапшы санатында, 3 мұғалім – ІІ санатты, 1 мұғалім санатсыз жас маман.

Бірлестіктің өзекті тақырыбы: «Білім берудегі инновациялық технология мүмкіндіктерін пайдалана отырып, қоғамдық-гуманитарлық пәндерді оқытуда оқушылардың субъектілік көзқарасын дамыту». 

Жаһандану заманында ұлттық бәсекеге қабілетті болудың көрсеткіші білім деңгейімен өлшенеді. Оқу-тәрбие жұмысындағы жаңашылдық іс-әрекетіміз, кәсіби шеберлігімізді шыңдауымыз оқушылардың шығармашылық ізденісін дамытуда өз жемісін беріп келеді. Оған біздің оқушыларымыздың қалалық пән олимпиадаларында, әр түрлі оқуларда, сайыстарда жүлделі орындарға ие болып жүруі дәлел. 2019 жылы желтоқсан айында КАСУ-де өткен «Ұстазым жайлы шыр шертем» атты презентациялар сайысында тарих пәні мұғалімі Нурмуханбетова А.С. оқушыларын қатыстырып, «Алғыс хат» иеленді. 

Пән мұғалімдері мектепішілік, қалалық коучинг-семинарларға белсене қатысып келеді. Мәселен, «Көркем шығармаларды талдап оқыту арқылы шығармашылыққа бағытталған жазба жұмыстарын жетілдіру жолдары» атты облыстық ғылыми-тәжірибелік семинарда және «Эссеге дайындау және оны жазғызу жолдары» атты қалалық семинарда қазақ тілі мен әдебиет пәні мұғалімдері Халелова А.О. Уркунчинова Н.М. Аманбаева А.М. іс-тәжірибелерімен бөлісті. Тарих пәні мұғалімдері Нурмуханбетова А.С. мен Сулейменова А.Д. ШҚМУ-да сыбайлас жемқорлыққа байланысты өткен конференцияда баяндама жасады. 

Халелова А.О. Уркунчинова Н.М. Республикалық «Үздік сабақ жоспары» қашықтық байқауына қатысып, І орынға ие болды. Сондай-ақ, Уркунчинова Н.М.

«Қазақстан ұстаздары» атты Республикалық қашықтық олимпиада қатысып, І орынға және КИО олимпиадасына да қатысып, І орынға ие болды. Мадыева С.С. Халелова А.О. Уркунчинова Н.М. Республикалық«Ілияс оқулары» байқауына дарынды оқушыларды дайындағаны үшін Алғыс хат иеленді. 2018-19 оқу жылында «Білген-Аламан» пән олимпиадасының республикалық деңгейінедейін оқушыларын қатыстырған Халелова А.О. мен Мадыева С.С. оқушылары жүлделі 2-орынды иеленді. Тарих пәні мұғалімдері Нурмуханбетова А.С. мен Сулейменова А.Д. «Ұлы даланың жеті қыры және жаңартылған білім бағдарламасы аясындағы тың әдіс-тәсілдері» атты әдістемелік көмекші құралдары республикалық деңгейде жариялағандары үшін «Алғыс хатпен» марапатталды.

2018-19 оқу жылындағы мектепішілік ӘК жұмысының рейтинг қорытындысы бойынша «Бас жүлдені» жеңіп алдық. Бұл жерде қазақ тілі мен әдебиеті пәні мұғалімдерінің үлкен үлесін айта кеткен орынды. Дарынды оқушыларымыз қалалық Абай және Махамбет оқуларының барлық кезеңіне қатысып, жоғары орындарды иеленгендіктен қорытынды нәтиже бойынша «Бас жүлдені» иелендік.

 Бірлестік пән мұғалімдері ашық сабақтарын жаңартылған білім мазмұнына сай етіп, сабақта Кембридж әдіс-тәсілдері, критериалды оқыту және бағалау жұмыстарын жүргізіп келеді. Онкүндіктер мен сыныптан тыс шараларда мұғалімдер өздерінің кәсіптік шеберліктерін, ұйымдастыру қабілеттерін көрсетіп келеді.